DHO-prosjekt fekk støtte av Helseteknologiordninga
Digital heimeoppfølging er bruk av teknologiske løysingar som gjer at du kan følgast opp av helse- og omsorgstenesta heime.
Prosjektet «Samhandling om Digital Heimeoppfølging i Vestland» er eit DHO-prosjekt (DHO – digital heimeoppfølging) i Sogn og Fjordane leia av Sunnfjord kommune på vegner av Helsefellesskapet i vår region. Prosjektleiar er Jofrid Aardalsbakke Djupvik.
Digital heimeoppfølging er bruk av teknologiske løysingar som gjer at du kan følgast opp av helse- og omsorgstenesta heime. Du gjer avtalte målingar i din eiga stove og svarar på enkle spørsmål om din helsetilstand via eit nettbrett eller smarttelefon. Helsepersonell følg opp målingane dagleg og tek kontakt med deg om det er teikn til forverring av din helsetilstand.
Arbeidet med å innføre eit slikt tilbod for ulike pasientgruppar og i stadig fleire kommunar i Sogn og Fjordane har pågått i nokre år med støtte frå mellom anna Helseteknologiordninga, og no har arbeidet fått friske midlar til å vidareføre dette viktige arbeidet. Helseteknologiordninga er er ei tilskotsordning frå Helsedirektoratet til kommunar og fylkeskommunar for å legge til betre til rette for å ta i bruk teknologi i dei kommunale helse- og omsorgstenestene. Hensikta med ordninga er å legge til rette for anskaffingar, innføring og utbreiing av helseteknologi, samt understøtte endring av arbeidsprosessar og gevinstrealisering i tenestene.
Trykk her for å lese meir om prosjektet «samhandling om DHO i Vestland» på Sunnfjord kommune sine heimesider.
Deltakande i prosjektet per februar 2026
- Helse Førde
- Synnfjord og Ytre Sogn Interkommunale legevakt (SysIKL)
- Aurland kommune
- Fjaler kommune
- Høyanger kommue
- Luster kommune
- Sogndal kommune
- Stryn kommune
- Sunnfjord kommune
- Vik kommune
